符晓薇家中做运动囡囡捣蛋　陈柏宇被寸Hea跑揈唔甩肚腩

近日本港爆发第三波疫情，专家呼吁市民尽量减少外出，以免疫情扩散。然而在留家抗疫期间，不少人都呻食多咗又冇做运动，搞到发福暴肥！昨日，陈柏宇（Jason）太太符晓薇（Leanne）就喺IG贴出一幅「厌世照」，并留言自爆：「因为天气太热近排食咗好多雪糕，陈宅增肥计划。」所以之后她亦贴出在客厅做运动的短片，不过，片中就见到1岁多的囡囡Abigail在妈咪身边行来行去，仲忽然拉起块瑜伽垫，搞到Leanne无奈中断运动，事后她又写道：「系（喺）我屋企要做运动系好难嘅一件事，陈小姐系一个捣蛋王。」

至于Jason就醒目得多，索性捉实Abigail手仔一齐做Sit up，让囡囡玩得开心，自己又做到运动，但Leanne就爆：「我老公无做运动几个世纪，佢今日突然话落去跑步，之后仲同我哋讲上嚟会无咗肚腩，我答咗句天真，我系咪好衰呀？」结果跑完番嚟有冇成果呢？Leanne再贴出另一条短片，她问老公：「你个肚腩仲喺度嘅？又话跑完番嚟冇嘅？」Jason闻言即尴尬傻笑：「我唔舍得佢（肚腩）……」被问到跑了多久？Jason再次心虚笑道：「跑咗15分钟，嘻嘻！」真系跑咗好「耐」喎！辛苦晒！