【大整蛊】被黄建东话系骗徒   锺舒漫扮变发呃埋郑秀文

锺舒漫（Sherman）离开共事15年嘅英皇娱乐外闯，日前仲喺社交网上载「变发」转新look相，将多年嚟嘅金色长发剪走变成有型黑色短发，并留言：「终于！再见过去的我。」

 

正当大家对Sherman咁大牺性都难以置信时，今日凌晨，她以「为过去的青春留下新鲜的回忆」为题，拍片分享剪短头发原因，片中说：「想多谢朋友支持我剪咗呢个新发型啦，想分享吓我点解剪呢个头，一来系我锺意男仔头，二来男仔头比较衬我性格多啲，因为我锺意一啲中性打扮。可能大家都遇过一啲人，经历到某个阶段，想有个新开始就会有啲动作，话畀自己听我进入一个新时间，咁我就选择咗剪头发，咁呢，其实我呢几年都经历唔少…(开始呜咽)其实我真系鼓起咗好大嘅勇气呢…」此刻，有把女声一手扯走她的假发，话：「哗！你个头几好睇喎！」Sherman就忍住笑除低入面个发箍，拨返好把长发后阴阴嘴笑离场，最后以笑样emoji作结。原来剪短头发，转look系大整蛊呀！不过呢段片构思都几有新鲜，而且系几好戏。


郑秀文用又嬲又好笑表情符号回应，黄建东指她系骗徒，彭秀慧话感觉被骗了，当然有粉丝话不论长发定短发，一样支持她。只有独具精明眼的泳儿早已睇得穿她戴假发，留言回应：「快D话我smart！」