【头条独家】亲子家庭乐无穷　陈柏宇甘为爱女弃当歌手

自从女儿Abigail出世后，陈柏宇（Jason）便成为「晒女狂魔」，经常于社交网分享囡囡萌照。就算早前为新专辑《Anyone But Jason》远赴新西兰影封面及拍MV，Jason都带埋妻女同行，虽然冇晒私人时间，但Jason直言体会到做爸爸的乐趣，更希望再追多个，亦唔介意将来为子女放弃歌唱事业，举家移民加拿大。撰文：黎宝伦　摄影：李维隆　发型：Alex So (the attic)　化妆：Jessica Chan　造型：queenie yu　服装：North Face　场地：PartyLand Partyroom　鸣谢：Barry@巧松啲工作室

陈柏宇于新专辑中，唱尽社会上不同小人物的心声，当中新歌《爸爸的礼物》讲述父亲为家人打拼，却牺牲了跟子女相处的时间，不过现实中，前年9月升呢人父的Jason称，自己会尽量平衡生活和工作，无须开工便会陪家人，冇晒私人时间的他笑着埋怨：「自从生小朋友后，我都冇（出街）睇过戏，又冇得打机，生活习惯都改变晒，以前放工会去做Gym，而家放工就返屋企，初头梗觉得成日喺屋企好惨，但慢慢发觉系另一种乐趣。」谈到早前两公婆出Trip去澳洲，太太符晓薇公开投诉他肥咗，Jason直言6嚿腹肌早已消失得无影无踪，近日都开始积极操肌，「我自己唔太介意，但太太话我系偶像派，所以要减番啲肥。」

计划再造人
问到此趟旅程可有趁机追仔？他说：「我哋有计划再生多个嘅，太太想要仔，我就想要女，计划隔两、三年生，目标两个就够。」本身在加拿大成长的Jason打算让囡囡先在港读一、二年班，随后便送往外国留学。问届时会否放弃歌唱事业？他不讳言：「如果有能力、丢得低香港嘅工作，咁陪佢哋去梗系最好啦，因为喺我生命里面，小朋友系重要过工作！」提到刚租住九龙区一间逾千尺豪宅，想必一定够财力移民过新生活吧？Jason谦称：「市道低迷前租㗎，可能过多几年又见到我搬屋。如果情况唔许可，喺嗰边谂唔到做咩，或者收入Cover唔到应有嘅生活水平，咁就喺香港做嘢，每一、两个月就返加拿大留个几月罗。（喺嗰边做歌手？）应该唔会，可能开铺头。」