拍拖玩无绳滑水　张振朗同杨偲泳爱低调式放闪

张振朗同杨偲泳拍拖年几，感情稳定，不过两人向来都爱得好鬼低调，好少放闪晒恩爱，不过有留意佢哋社交平台，都唔难发现佢哋拍拖痕迹，好似呢日佢哋两个就约埋一齐玩无绳滑水，张振朗就咗自己玩嘅两段片，而杨偲泳就放咗张黑白相。其实早两日7月20日张振朗32岁生日，女友一样有陪佢过，一对小情人仲着晒情侣装，好浪漫咁去游电单车河㗎！呢种低调式嘅放闪，有时胜在够温馨！