【好惊惊】周六重装备返新城开咪范振锋：为咗搵食冇办法

2020-07-23 17:58

鉴于新城知讯台执行总监程凯欣初步确诊、香港首位确诊艺人施匡翘也定期到新城开咪，为安全起见，新城随即安排全体员工做深喉检测。今日范振锋出咗检测报告系阴性，他表示周六同思敏会如常返电台开咪做《开心大派对》节目，问到惊唔惊时？他坦言都会心慌慌：「但为咗搵食，冇办法，除咗戴口罩、搓手液、消毒喷雾、换咪套外，仲会戴埋帽同手套罗。」由于家燕姐未有检测报告，当日她会做phone-in。

DJ思敏温婷婷报告呈阴性

今日DJ思敏在社台平台报喜，并手持鲜艳色彩的冻饮坐在吊床上，充满夏日感觉宣布：「报个喜，报告出咗，呈阴性negative。虽然系咁，呢几日都唔会周围走，喺(屋企)都做好防御消毒，继续homworkout。」又hastag指屋企的粮食都够撑几日。

新城DJ温婷婷于社交网上报喜，指深喉检测报告呈阴性，并且在等候报告期间，有乖乖的留在家中，下一步是等候公司工作安排的进一步通知：「好感动，亦都非常多谢你哋嘅关心我身体状况暂时冇事，而且我今日本身放假，所以都乖乖哋留咗喺屋企，大家唔需要担心。公司除咗进行大型消毒之外，亦都安排咗每位同事做深喉测试，我今日会喺屋企等候结果。之后返工同节目嘅安排都会等公司进一步通知。大家都要好好保重身体，呢次病毒扩散得好快，冇特别事都唔好出街，最重要系保持乐观心态去面对先可以推过呢场仗，因为往后可能仲有好多场仗要打，留返条命仔先可以做到更多嘢，追想追嘅梦。＃牺牲色相素颜登场#btw我真系好锺意香港＃大家都加油。」