【夫妻相】张振朗「变性」同女友撞样 杨偲泳出海晒32D激凸水着照

2020-06-24 12:00
Renci(右)去滑水,男友张振朗就疯狂玩「变性App」。
Renci(右)去滑水,男友张振朗就疯狂玩「变性App」。

拥32D激凸身材的杨偲泳(Renci)平日于社交网分享的靓相都是密密实实居多,非常锡身,不过昨日出海玩Wakesurf的她,晚上忽然「卖大包」于IG大晒低胸泳衣照。相中,坐在甲板上的Renci眯晒眼享受日光浴,虽然个身向后挨,但仍轻轻露出事业线,仲晒出腰间的型格纹身,非常性感!除了男友张振朗即按赞外,一众网民睇到亦纷纷派Like,受宠若惊的Renci就留言笑谓:「你们的大力赞赏是因为太爱我了吗?」

Renci(右)去滑水,男友张振朗就疯狂玩「变性App」。
Renci(右)去滑水,男友张振朗就疯狂玩「变性App」。
Renci晒32D激凸身材。
Renci晒32D激凸身材。

至于张振朗有冇同行去滑水就唔知,但昨日他就好得闲,不停Po自己用「变性App」化成女人的照片,仲代入「女版张振朗」留言:「过嚟,俾我保护你」、「可否紧紧抱实我?」、「今天返工好攰唷....肚仔饿饿唷~有冇人呵呵me喔~ 我叫Jessica #最后一击定大家想我唔好停 #我发觉我followers真系跌咗 #但多咗男fans #第四张好似大小姐」,疯狂程度连李佳芯都睇到差点爆粗:「What the...」,姚子羚、蒋家旻、谢东闵等就笑言想摏他,胡定欣也慰问:「你无事呀嘛?工作压力太大?」与此同时,都要好多圈中人及网民赞张振朗靓女,仲同卫诗雅、容祖儿、陈法拉等撞样,不过最搞笑系朱千雪留言:「omg 第一张相我以为系你post你女朋友」,张振朗回覆:「咁佢靓好多。」唔知Renci有咩感想呢?

Renci呢个水着Po吸引好多网民Like。
Renci呢个水着Po吸引好多网民Like。
就算Renci挨后都轻易露出事业线,身材超好!
就算Renci挨后都轻易露出事业线,身材超好!

张振朗称女版的自己做Jessica,而呢张有人觉得似容祖儿。
张振朗称女版的自己做Jessica,而呢张有人觉得似容祖儿。
有网民就觉得呢张似卫诗雅。
有网民就觉得呢张似卫诗雅。
朱千雪认错呢张相入面的「女版张振朗」做Renci。
朱千雪认错呢张相入面的「女版张振朗」做Renci。
系咁赞自己靓,会不会太自恋?
系咁赞自己靓,会不会太自恋?
不少圈中好友都话想摏佢!够喇!
不少圈中好友都话想摏佢!够喇!
關鍵字

最新回应

關鍵字

相關新聞

热门文章