【型爆】骑住十几万怀旧电单车张振朗实现男人的浪漫

2020-07-03 11:00

男人爱车，除咗辣跑外，亦有唔少爱好揸电单车，Harley-Davidson粉丝森美同张继聪等人近期就经常相约揸住部古董电单车游车河，型到爆。原来张振朗(Owen)即将加入Harley-Davidson电单车团队，昨晚他喺网上开心Share喜讯，坐住部价值10多万港元，「20岁」多嘅Bobbed style怀旧电单车留言：「等咗咁耐....我个仔终于都到啦！佢叫『David』。」不过，他回答朋友留言时表示，最快仲有个零月先可以同大家正式见面，估计因为到港需要经过3个政府部门排期验车批核，才可获牌出街行驶。

唔少网友话想坐后座兜风，又大赞他好型，连张继聪都用藐住符号表情赞好，仲有网民留意到他只「老鼠仔」，指他系型爆大只仔。至于老友谢东闵留言「Nice」，张振朗即叫他加入，回应道：「join！」有眼利网友看出，指古董电单车似系以前富豪用嘅嗰类型！

之前张振朗透露成功考获电单车牌，今年3月仲喺无线新剧《踩过界II》度学以致用，首次亲身上阵分别载过姜丽文及张曦文，不过，当问他何时会添置座驾时？他竟然话，因为系男人嘅浪漫嘛，所以一定会买嘅，但等疫情过后，手头松动啲先算，女友知他唔会乱飞车，都支持他做铁骑士，事隔只系4个月，原来他已悄悄在名国订购爱车回港。近年张振朗受TVB力捧，剧接剧成为剧王，比起以前都搵到桶金嘅。