【头条】 追住疫情走  冒险返港拍戏乔宝宝：危险系我嘅事

离港近5个月，返英国苏格兰同家人团聚嘅乔宝宝两周前已返港，原来今次专程返嚟个多月拍新片《时代》。凌晨完成隔离14日，明天正式可以出关及开工。

 

他笑说：「香港爆发疫情时，我喺印度飞返嚟派口罩；香港疫情缓和时，我就飞返去疫情最严重嘅英国；𠵱家香港疫情再爆发，我又飞返嚟，反而𠵱家成个苏格兰确诊数字系有史以嚟得3宗最低，danger is my business(危险系我嘅事)！哈！又唔好话我追住个疫情走，上次去印度出席亲戚饮宴，系我要求赶返嚟做义工派口罩，唔可以怪我，呢啲叫患难见真情嘛！唔理系农历定西历，相信7月14都系唔好日子，由𠵱家过多7日香港会好景返，大家放心啦。而且香港防疫措施好严，应该可以控制得到，不过，如果冇咁多人可以获豁免强制检疫，就唔会有咁多空运病毒返嚟嘅，呢方面把关要做好啲。」