【索爆星二代】赶及限聚令前为爱女庆生 High爆张兆辉揽锡前世情人

因应疫情加强防疫，7月15日0时0分生效，所有食肆由下午6时起至翌日朝早5时，期间不准堂食，只许外卖。而昨晚张兆辉赶及同家人喺跑马地著名食店Amigo叹法国菜，为爱女张卓姿庆祝16岁生日。辉哥喺FB上载图文，深情留言：「我的宝贝珠Twiggy cheung happy 16th birthday, Love you forever，无法用言语表达我对你的爱❤愿你健康快乐开心成长。」

相中见辉哥、辉嫂黑色情侣装甜蜜现身，除咗寿星女，当然唔少得20岁大仔Edison，一家四口乐也融融，相当温馨，超High辉哥除开红酒庆祝外，又破戒食埋镇店甜品芒果拿破仑蛋糕，仲揽锡前世情人，现场还有戴住口罩嘅乐师伴奏，留下难忘晚上。

现年16岁嘅张卓姿长得亭亭玉立，遗传咗辉哥两公婆嘅正斗基因，骤眼睇有啲似年轻版李嘉欣，系索爆星二代。唔少网民祝寿星女生日快乐，学业进步，更大赞辉哥的留言好感动。