【好坚】操到六嚿腹肌梁汉文为十月演唱会做好准备

2020-07-01 11:00

梁汉文（Edmond）于个半月前宣布今年10月喺红馆开show，有可能系疫情后第一个红馆开骚嘅歌手。由于筹备时间唔多，连月来Edmond忙于秘密练兵，尽快keep好一副好body，到时有6块腹肌嚟见人。

Edmond连续7天食郑秀文(Sammi)推介嘅「缩水减肥杂菜汤」，嚟减去身体多馀的水份，Edmond成功喺一周内由155磅减至149.4磅。之后他再用「食肉减肥法」，10日内只能食肉，连蔬菜同生果都唔可以掂，尽量吸取蛋白质，经过10日疗程结果，他有140.2磅，再按教练指示下操肌，最终好快见到成效，昨晚他喺社交网站发相分享成果，相中未见容貎，仅展示一排湿身「朱古力」，有6块腹肌嘅结实靓body，连他都留言说：「经过呢2个月嘅付出，开始见到啲成绩，虽然未确定一定开得成，但都会继续保持乐观、积极嘅态度去做足准备，迎接不同挑战...」唔少网民大赞他厉害、好劲、不得了、引死人、不过都有网民要求见样：「点解唔见样？」有人又好奇追问：「嗰日至睇片见你食郑秀文介绍既瘦身汤，咁快就练出成绩来，确系劲。」亦网民质疑相中人系咪佢？有fans温馨提示要适可而止，唔好好似上次个唱咁体型过瘦。