母亲节雀战 梁汉文夫妇双响炮「锯」到母亲一颈血
2020-05-11 11:00 
藉着昨天母亲节，唔少子女向伟大嘅妈妈表达心意，唯独啱啱申请到10月红馆个唱档期嘅梁汉文(Edmond)却唱「反调」，昨天他在社交网上载相片，其中一张相和遮咗双眼嘅太太林文慧（Karen）、妈咪及家人打台湾牌，相中梁汉文和Karen齐齐打开牌，他还抵死地留言：「『锯』到母亲一颈血系列之双响炮！」朋友取笑他：「叻仔！」有人睇唔过眼说：「你好坏！」、「母亲节就松章啦！」、「auntie要食多啲！」不过，好彩两夫妇唔系食大牌，所以梁妈妈唔会输到入肉！
打麻将只系塘水滚塘鱼，开心玩吓啫，之后家人开心同妈咪合照，只见梁妈妈坐喺张按摩椅上同亲人轮住影，估计按摩椅系母亲节大礼，Edmond还留言：「母亲节大制作，有女模，有摄影，有灯光有埸记。」
關鍵字
最新回应