【七友减肥大法】抗疫暴肥至155磅 梁汉文急Call高人救命

因为Stay Home抗疫，加上健身室又Close，连球场都封埋，好多人都肥晒。今年十月尾开红馆Show嘅梁汉文都叫晒救命，「我好大镬肥咗好多。」115磅嘅佢即急Call高人救命，高人包括小齐、Sammi、林敏骢、谢霆、李克勤、张继聪、容祖儿同蔡一杰。

究竟以上高人有何减肥高见?小齐话白烚蕃薯；Sammi就强调饮七日菜汤成个人就会缩咗水；林敏骢就答得好快:「食蚊，食乌蝇啦。」Edmond一听笑到变咗样。

而李克勤就话直头唔食；霆锋好认咁答:「食75%以上黑朱古力。」轮到容祖儿，佢话:「我唔知可唔可以帮到你，(得嘅)我好骑喱。」

另外张继聪同蔡一杰就讲出一般人对减肥嘅误解，前者话:「好多人以为唔食饭可以减肥，其实唔得嘅。」后者表示:「梗系要队一碟饭啦，我过嚟煮畀你食都得。」

想知高人嘅减肥大法详细版，就要留意梁汉文嘅YouTube频道嘞。