获TVB解冻李佳芯急不及待分享新剧宣传片喂饱粉丝

2020-06-18 11:00

早前有传李佳芯（Ali）畀无綫「雪藏」，《BB来了》、《白色强人》等续集都冇份拍，随住新剧《杀手》推出，系咪代表获全面解冻？Ali就唔多愿正面回应，只系避谈回应：「唔答喇，我怕答完转个头返屋企又传我被雪藏，咁就冇意思啦！做好本分啦！」李佳芯话，现时最期待剧集及散文集推出。

继《白色强人》后，有一年冇剧作出街嘅Ali，昨晚急不及待在IG上载喺6月29日播出嘅新剧《杀手》宣传片，片中傻更更「四眼妹」Ali师奶仔上身应徵做杀手助手，因为贪钱，一轮咀喺度讲价讲入职条件...唔怪得她留言：「来一个反差#杀手」粉丝即时赞好，纷纷留言：「呢个四眼妹......我锺意」、「好可爱」、「你睇下佢做得几搞笑几自然，杀手一定好好睇！」、「又靓又好演技又搞笑，视后女神当之无愧，支持钱向茜！」

另外，又她贴出同中文科补习导师林溢欣（YY Lam）嘅合照，并写道：「感恩遇上很好的出版社，认识一班很好的制作团队。由零开始、从无到有，从未想像过的感受，期待！#commingsoon #ALife」原来YY Lam自资开出版社，今次跟李佳芯合作出书，散文集将会在暑期间推出，主要分享她由细到大嘅事情及感受，爱情方面都有提及部分经历。唔少fans话好期待同必买，有问书名系咪应该系芯路历程？又赞Ali总是默默地做要做的事，鼓励她加油。