【头条独家】上位小花首拍撞车戏 何依婷百无禁忌话刺激

26岁前港姐亚军何依婷（Regina）凭处女剧《机场特警》中演网红安安而人气急升，特别著三点式洗车场口，样靓身材正成为TVB新一代女神。喺新剧《陀枪师姐2020》中何依婷依然有发挥，饰演江湖大嫂的她为营救被警方追捕的黑社会头目郑俊弘(Fred)惨被车撞死，Regina话年轻人百无禁忌喎。采访：方骞平 摄影：李维隆

何依婷日前在《陀》剧中初尝动作镜头表现好紧张。当日佢喺大角咀街头拍一场撞车戏，首先佢要开车去救人，点知炒车被困司机位，情急下转到前座乘客位落车，不慎被车撞死。由于要模拟畀车撞到嗰种庞大撞击力，何依婷先被包咗厚垫嘅木头车撞击，再靠吊「威吔」嘅拉力，将她拉开再飞弹堕落塌塌米，最后Regina一口血浆，瞓埋喺地补返个大头镜头便大功告成。

不过，Regina连埋跑街及试位等都拍足成日，喺大热天时下都几辛苦，不过何依婷冇怨言：「人生第一次吊威吔，都几刺激，拍前心惊惊，要先做吓热身，好彩有武指喺现场，佢哋都帮咗我好多，虽然飞弹落塌塌米撞亲手肘，但只系好小事，叫顺利完成嘅！」对于《机场特警》反应好，她都好想乘势追击：「我估唔到上次有咁大回响，好有惊喜，系一种鞭策自己嘅力量。」就快做「老衬」的郑俊弘(Fred)责任变大，演得更落力。当日跟剧中高级警司海俊杰拍摄街头枪战戏，又因亲眼目击女友惨死而情绪失控。Fred否认即将成为一家之主经济压力沉重，强调两公婆会一齐承担，就算何雁诗失意离开星梦唱片，绝对唔会影响到他同公司的关系，稍后还会出新歌。