Mirror新歌MV玩360度拍摄 Ian 27岁牛一望人人有工开

男子组合Mirror相隔七个月终推出2020年首支派台歌《IGNITED》，早前12位成员拍MV期间顺道替当日27岁牛一的Ian庆祝生日。寿星仔生日愿望除咗世界和平就系希望人人有工开。

新歌《IGNITED》的曲风有别之前的《ASAP》或《Reflection》，编曲走Funky路线，听吓队长Lokman点介绍：「就好似歌名一样，《IGNITED》畀人好热辣辣嘅感觉，曲风同以前好唔同，因为都想有啲新花款，畀唔同感觉大家。」经理人花姐今次再重操故业，继Jer《水刑物语》后，再为Mirror担任MV导演，而拍摄上亦为组合带来全新概念，以360度拍摄。而拍摄当日亦发生小意外，Stanley说：「我哋首次采用360舞台拍摄，好有型嘅，而我又好彩系第一个拍，但好不幸我好有型望住个镜头一眼，个Cam嘅转台就坏咗，之后摄影师要人手Keep住转个Cam先可以继续拍摄落去。」

新歌除Funky版外，亦有一个Remix版，拍摄MV当日，Mirror亦需要拍摄跳舞版，Edan坦言是体能上的大挑战，他说：「Funky版趣味啲，对于姜涛、Anson Lo佢哋型开嘅就困难啲，哈！Remix版感觉K-pop啲，我哋亦有拍一个Dance Version，要一镜过。上次拍《Reflection》跳咗廿几卅次，真系崩溃咁滞，希望今次可以快手啲。」众队员亦不负所望，最终连拍6 take，花姐便收货。其实拍摄MV当日，刚好是Ian的27岁生日，工作人员早已偷偷为他准备生日蛋糕，在拍摄中途更与Mirror各人突袭送上惊喜，Ian发现后展露天然呆表情。问到生日愿望，Ian表示：「最紧要世界和平，喺疫情之下亦希望人人有工开，不过就早啲收工啦！」