【学校复课】职业病发区永权紧张送仔返学不忘做访问

2020-06-05 11:00

虽然疫情未缓和，但学生陆续分阶段复课。47岁嘅区永权（Albert）2011年「一年抱两」，大仔靖岚（Aidan）1月头出世，细仔靖崋（Ambrose）则诞于同年12月。转眼间两个宝贝仔大个喇，佢哋入读嘅国际学校今朝宣告复课。

停学4个月复课，原来唔止得细路紧张，连大人都战战兢兢。区永权两公婆一早就弹起身送两子返学，见一家四口戴住口罩，精神唔错，心情愉快。Albert喺IG出PO留言：「停课4个多月，终于复课，到底小朋友嘅心情系如何呢？听一下就知道！」

他仲拍片记录珍贵时刻，两子先打向镜头招呼：「Hello！我哋要返学喇！」做惯《东张西望》主持人嘅Albert职业病发，仲边行边拍片访问两个囝囝感受：「停课咗几个月返学，今日点呀？」两子异口同声回答话：「我哋好nervous(紧张)呀！」Albert哈哈大笑同时不忘为儿子打打气说：「加油！」儿子马上收到回应：「OK！」父子互动，相当温馨。网民都好明白说：「加油啊！真系暑假都冇咁长，难免会紧张⋯」