【头条独家】杜小乔谭永浩再做定情作 Ben Sir爆靠咀导演搲掂重演
2020-06-04 23:00 
由陈恩硕（Tom）导演，Ben Sir（欧阳伟豪）、杜小乔和谭永浩主演的音乐剧《我们的青春日志2020》继去年7月后，近日再度重演。日前Tom联同几位主角排练，他们做足防疫措施，入排练室前探热又全身消毒，全程戴住口罩。鬼马的BenSir自爆因想试演细场地，幸好上次谢幕时咀了Tom，所以搲捞成功参与重演；而杜小乔和谭永浩就话拍住拖再演定情作，心情好特别。 撰文：杜淑霞 摄影：李维隆 场地：爆炸戏棚
面对疫情，Tom话花了不少资源在防疫措施上，除了探热、全身消毒、全程戴口罩外，食饭都会坐到好似公开考试隔3米，「最大压力系唔知道听日发生咩事，要谂定Plan B、Plan Ｃ，万一唔可以如期演出都有后备方案。」至于由理工搬回剧场演出，完全是Tom计划之内，「18年喺度试演反应好好，加上比起喺理工，呢个剧喺呢个场凝聚力系最大，所以一早谂住搬返嚟做。」
惊畀旦哥抢角色
今次得Ben Sir、杜小乔和谭永浩有得留低重演，Ben Sir自爆自己搲捞，「上次谢幕锡咗佢（Tom）面珠墩一啖，希望今次再进一步。同埋听见喺细场做，咪主动打畀佢，如果唔打畀佢，我又惊畀旦哥郑丹瑞抢咗嚟做，旦哥系制作顾问嘛！但导演仔佢要求好高，我咪话『你casting100个演员唔得，我做你101个』咁佢又听得舒服罗！」
至于因演出该剧而挞着的杜小乔和谭永浩，对于再演定情剧感觉好有趣，他们戈异口声话：「投入角色里面，个相处好唔同，变咗好似唔系平时接触开嘅我哋咁。」他们本身性格南辕北辙，全靠角色令两人加深认识而拍拖，「发觉我哋大方向系一致，只系处理方法唔同。同埋对方有嘅特质，我哋本身冇嘅，愈了解发觉对方好多嘢值得学习，世界濶咗好多，唔系纯粹谈情说爱。」
最新回应