送肉嘴贺老公生日 林芊妤搞到「伯伯」无晒瘾
2020-06-04 12:00 
幸福人妻兼索妈林芊妤(coffee) 不时拍片分享健身、瑜伽及爱儿翟德彦（伯伯）生活点滴，非常受网民欢迎，昨晚Coffee在社交平台发文，贴图一家三口外出再为老公翟志荣（老肉）庆生，High爆嘅coffee送上肉嘴畀老公，搞到坐喺老肉大髀嘅伯伯无晒瘾，一脸无奈抗议爸爸妈妈又公开亲热。不过，爸爸就相当冷静及识做，嗱嗱声锡返伯伯补数，但伯伯个表情依然唔多like，最搞笑系coffee唔理阿囝感受，手舞足蹈，继续自我陶醉。
林芊妤搞笑留言：「Happy birthday to老公！」她又用BB角度自问自答，扮伯伯问：「唔知呢个女人今次又玩几耐？」她自答：「你哋由我自我陶醉吓啦！」唔少网民畀like伯伯，大赞他无奈样真系好正、好得意！亦有唔少人羡慕她一家好幸福、「很喜欢看你灿烂的笑容！」亦有问她咁癫系咪有醉意？coffee则回应话，「其实次次都系咁，仲开心过生日嗰个，不过因为返屋企仲要喂奶呀！所以冇乜点饮。」
關鍵字
最新回应