【头条独家】传陈家乐搭上连诗雅陈滢疑被飞眼肿肿拍外景

2020-06-04 19:45

「爱回家女神」邝洁楹(Judy)凭《开心速递》「拜金Venus」人气劲升，连TVB监制陈维冠都睇中佢，钦点她拍新剧《七公主》，仲搵埋一手发掘嘅陈滢客串演佢嘅闺密！Judy有咁好机会当然开心到晕，反观首日开工嘅陈滢眼肿肿，笑得牵强，唔知系咪跟「笋盘男友」陈家乐同连诗雅传绯闻有关。采访：方骞平摄影：李维隆

当晚喺深火埗一个大排档拍通宵戏，讲「五公主」邝洁楹分别同暗恋嘅吴子冲及闺蜜陈滢食嘢倾心事。不过，因为天气不似预期取消了部份拍摄。今次系Judy处境剧外第一套剧集，加上演事务律师，对白好长，自然战战兢兢，监制还亲自监场指导，Judy说：「《爱．回家》所以受欢迎，都系因为观众锺意阮政峰啫，其实我对自己冇乜信心，好惊自己『戏屎』，故参加咗郑丹瑞网上演艺班执懒音同埋身体动作。」

否认有富贵兵陪滑雪

客串嘅陈滢饰演一位进取穷家女：「监制话唔可以化妆，叫我抺走眼影及粉底，我未试过咁赤祼喺镜头前，素到连印汗都冇粉，但仲嫌唔够，要我再残啲，最后加咗深色黑眼袋，连著嘅衫都嫌我太靓，我叫监制唔好咁狠，经已冇乜化妆。其实我对素颜冇乜信心，但冇计啦。」同场的吴子冲大赞好ok，邝洁楹就赞她皮肤好靓！记者指她眼肿肿，她即解释：「系罗系罗，以前有划眼线同眉，𠵱家冇执过。」

对有传陈滢喺加拿大有富贵兵陪滑雪，同行仲有保镳「睇水」，当事人即否认：「我同大学同学一齐滑雪，我哋读公立学校唔系有钱人。」她同时又否认劝谏闺蜜刘佩玥离开周志文不果，搞到姊妹擘晒面：「咁搞笑？自己唔喺香港几个月，任何朋友都冇见，返嚟只系见过《女人俱乐部》演员。」她又强调，「呢行永远拍呢套剧就会多同呢班人一齐，但唔代表同其他人唔老友，只系唔同朋友圈啫。」