星島日報

【學校復課】職業病發 區永權緊張送仔返學不忘做訪問

2020-06-05 11:00
區永權和太太Clara齊齊出動送仔返學。
區永權和太太Clara齊齊出動送仔返學。

雖然疫情未緩和,但學生陸續分階段復課。47歲嘅區永權(Albert)2011年「一年抱兩」,大仔靖嵐(Aidan)1月頭出世,細仔靖崋(Ambrose)則誕於同年12月。轉眼間兩個寶貝仔大個喇,佢哋入讀嘅國際學校今朝宣告復課。

 

停學4個月復課,原來唔止得細路緊張,連大人都戰戰兢兢。區永權兩公婆一早就彈起身送兩子返學,見一家四口戴住口罩,精神唔錯,心情愉快。Albert喺IG出PO留言:「停課4個多月,終於復課,到底小朋友嘅心情係如何呢?聽一下就知道!」

 

他仲拍片記錄珍貴時刻,兩子先打向鏡頭招呼:「Hello!我哋要返學喇!」做慣《東張西望》主持人嘅Albert職業病發,仲邊行邊拍片訪問兩個囝囝感受:「停課咗幾個月返學,今日點呀?」兩子異口同聲回答話:「我哋好nervous(緊張)呀!」Albert哈哈大笑同時不忘為兒子打打氣說:「加油!」兒子馬上收到回應:「OK!」父子互動,相當溫馨。網民都好明白說:「加油啊!真係暑假都冇咁長,難免會緊張⋯」

區永權和太太Clara齊齊出動送仔返學。
區永權和太太Clara齊齊出動送仔返學。
區永權一家四口好溫馨。
區永權一家四口好溫馨。

細仔有自閉症,經過適切治療,現已康復。
細仔有自閉症,經過適切治療,現已康復。

最新回應

關鍵字

相關新聞

熱門文章