【头条独家】《绿豆》入戏太深碰面就喊 林保怡周家怡再合作更痛苦

林保怡和周家怡继ViuTV剧集《玛嘉烈与大卫系列—绿豆》后，相隔4年再在《叹息桥》合作，而家怡对保怡今次身兼监制的表现亦赞不绝口。两人坦承上次合作因入戏太深，之后每次碰面就喊晒，有段时间要避见对方抽离，而这次再合作默契依然，又形容角色关系更加痛苦，而且会令人好忟憎。撰文：杜淑霞 摄影：谭壹致 发型：Vincent Yeung(家怡)、dera@deardera(保怡) 化妆：Herman Ng、KittyEyelash Beauty Ltd、Hand and Foot - nail.SPA(家怡)、dera@deardera(保怡) 服装：Atsuro Tayama(家怡)

保怡跟《玛嘉烈与大卫系列—绿豆》的两位导演Fatball（李绍波）、25（杨承恩）合作后一见如故，决定成立制作公司继续合作关系，《叹息桥》是成立后首部作品，他形容就好似睇住个Baby出世一样，不是紧张而是开心。家怡踢爆保怡不想错过每个参与机会，「嗰时系唔使戴口罩㗎！佢病到戴住口罩都要出嚟，佢个样我以为佢唔得呀！」

对于两人再合作，保怡自爆原来上次合作完《玛嘉烈与大卫系列—绿豆》一直抽离唔到，「拍完之后，我好唔想见到周家怡，因为『大卫』未脱离林保怡个身，觉得『玛嘉烈』负咗佢感情，维持咗年几两年，啲朋友有聚会我都会避开见佢。（周：嗰时我哋见面就喊）一播主题曲《我们的》就喊，系好入个角色。」至于今次《叹息桥》关系，保怡虽然觉得较易抽离，但一样唔多开心，「呢个更加痛更加忟呀！上次《绿豆》系分开咗，今次维持咗10几年，始终冇开始到。」能够再跟团队合作，家怡笑言有种付托终生的感觉，「拍完《绿豆》后大家好有默契同信任（林：可以结婚？）系，大家好了解。（下半生交畀佢哋）系，大家拍起嚟每分每秒好投入好Enjoy。」


保怡透露未来会减产专心搞好公司制作，而新公司会有新思维，《叹息桥》亦用上新敍事手法，「简单嚟讲，《绿豆》顺住12345咁，但系《叹息桥》系614398咁，好似好零碎，想观众帮我哋砌番啱，同埋可能用3个角色角度拍一场戏，到底边个啱呢？所以相反唔系观众对我哋有要求，系我哋对观众有要求。」