【头条独家】爆阿Dee负责性感担当 Double S三点式上阵再派糖

2020-04-16 21:10

由「DoubleS」沈殷怡（Shirley）、陈欣妍（Shirley）和阿Dee@ERROR（何启华）主持的ViuTV节目《美女郊游游》，以行山为主题，三位主持都话未拍节目前都唔知香港有咁多靓景。讲到愚人节推出着Bra Top行山宣传片，「Double S」话纯粹同大家开玩笑，节目中会全副专业行山装出动，但又爆有三点式玩水部份再度派糖，更指其实真正担当性感角色反而是阿Dee。采访：杜淑霞服装： b+ab (沈殷怡)、tout a coup(陈欣妍)

沈殷怡和陈欣妍在ViuTV节目《辣伙头》中组成的「Double S」深受观众欢迎，今次再合作，未播出已因一条宣传片引起话题，片中两人着住性感Bra Top行山，波涛汹涌极度养眼，除了令不少网民大呼劲想睇外，亦有反对声音指装备唔够专业。她们就再澄清，阿沈说：「嗰日系愚人节，节目组想同大家开过玩笑，节目里面我哋嘅装备系好专业嘅，仲会有好多挑战，绝对唔系行山咁简单。」

责任重大
由于先后播出三段宣传片都唔觉有阿Dee，笑指他是否有份主持，他即理直气壮说：「我喺第二段有出过把声㗎！同埋我今次责任好重大，好似阿沈唔够气时，我负责拉佢上山，阿陈唔够胆时，我负责帮佢打气，或者帮佢执手尾做埋佢罗！基本上系个超级打杂，铲牛屎都做埋呀！」两女即踢爆阿Dee仲有特别任务，「佢会有性感演出，节目里面真正嘅性感担当系佢先至真！」问到两女是否全程行山装亮相，是否唔会有性感机会，陈欣妍就不禁自爆话：「我哋系有着过三点式去海滩同玩水嘅部份，但性唔性感到时大家就要留意啦！」不过本周三（15日）推出一集，已见两人有三点式索爆演出，加埋早前宣传片见陈欣妍着上三点式在沙滩狂奔一幕，相信性感演出仲会继续有，大家真系要拭目以待。