【继续娱宾】扮嘢玩食字烂GAG浪接浪　阮兆祥搞到网民笑到喷饭

热爱搞笑的阮兆祥（祥仔），疫情期间依然绞尽脑汁为港人发放正能量，早前扮演的「抗翼大师」李鸡鸣及「发力无边」的渡边直不美成功为网民带来不少欢乐。出名勤力的祥仔，近日搞笑作品更是浪接浪，昨晚推出「卢EYESEE‧一D都唔好笑」系列，大玩平日私下最擅长的食字烂GAG；其中一个GAG更以早前的扑口罩热为主题，笑指「花草树菜」四样东西，以菜的扑口罩能力最高，到底点解？答案还是留待大家上网睇片自行揭晓。对于祥仔大玩烂GAG，网民似乎亦相当受落并留言：「笑到喷饭」、「我想帮你剪头发呀。」更有网民感激祥仔如此有心：「祥仔好nice，多谢你带比（畀）香港人快乐。」

问到祥仔为何近日落足火力「娱宾」，他笑言：「冇呀，啲人成日话个人开心啲，病痛都少啲。咁我平时都好锺意讲烂GAG𠱁人开心嘅，我又知大家呢排好少出街上网多，所以就决定拍多啲搞笑片放上网，希望分享多啲正能量畀大家，一齐以笑声抗疫。」祥仔又谓十分感激创作团队过去数个月来为他绞尽脑汁度造型，「呢排真系过足扮嘢瘾，最开心系啲造型大家都好受落。其实嚟紧我都希望可以再拍多啲搞笑嘅扮嘢片，如果大家仲有咩想我扮嘅，都好欢迎去我个YOUTUBECHANNEL度留言，我会尽力满足大家嘅要求嘅。」