星岛日报

【头条独家】30岁转新公司好大感触 吴业坤恨拍拖唱开心情歌

2020-05-10 19:07
30岁嘅吴业坤希望大家睇到佢嘅实力,唔想绯闻成为焦点。
30岁嘅吴业坤希望大家睇到佢嘅实力,唔想绯闻成为焦点。

上月18日系吴业坤30岁牛一,今年初转咗新唱片公司Sunny Idea,坤哥表示30岁系人生checkpoint,感受好大,加上转公司,思想又唔同咗,希望稳稳阵阵继续做演艺事业,畀人感受到他成熟一面,「因为踏入新嘅岁数字头,唔可以再话自己系小朋友,要努力呀。」采访:方骞平 髪型:Ken [email protected] Corner k11artmall 服装:Heron [email protected] 场地:TIRPSE

30岁嘅吴业坤希望大家睇到佢嘅实力,唔想绯闻成为焦点。
30岁嘅吴业坤希望大家睇到佢嘅实力,唔想绯闻成为焦点。
同JW曾合唱《原来只因深爱著》好有火花,估唔到做埋同门师姐弟。
同JW曾合唱《原来只因深爱著》好有火花,估唔到做埋同门师姐弟。

喺疫情下吴业坤唔打算大搞生日会:「记得25岁搞过生日会,原来都系好空虚嘅。」至于生日愿望,他只希望签新唱片公司后踏实工作,唱多啲好歌:「一直想唱吓用嚟表白、用于结婚嘅甜蜜情歌,既然我跟同公司嘅JW都咁开心咁Sweet,有机会就一齐做一啲咁嘅歌啦。」

唔拣圈中人拍拖
口快快自爆好Sweet的坤哥打圆场否认有拖拍:「即系自己好欢乐,唔使有太多惨情歌,但欢乐都有好多层面,JW咁Sweet,都想偷佢少少甜蜜。」坤哥好希望拍拖,并表示正努力中。问到是否有对象?坤哥笑言感兴趣嘅人一定有,「话冇你都唔信啦!」坤哥坦言心仪嘅女仔有好多,「但绝对唔系渔翁撒网,心入面有谂过呢个女仔都唔错,不过确定先同对方表白,但唔会系圈中人,感觉上同圈中人拍拖,圈子重叠会变得好复杂,一个艺人绯闻经已够多,如果两个艺人加埋一齐,条绯闻线就愈嚟愈长,经历过16年时嘅是是非非,做乜都错,仲讲到我有13个圈中女友,𠵱家变得好避忌,只想喺技艺上被认同有价值。」

赵慧珊系坤哥的13个绯闻女友之一。
赵慧珊系坤哥的13个绯闻女友之一。
坤哥唔打算大搞生日会,有妈咪陪住就够。
坤哥唔打算大搞生日会,有妈咪陪住就够。

坤哥希望未来拍剧及唱歌能取得平衡,实行双线发展。
坤哥希望未来拍剧及唱歌能取得平衡,实行双线发展。
口花花嘅坤哥话以后会收敛,只会同唔会惹绯闻嘅前辈玩埋啲,好似家燕姐咁。
口花花嘅坤哥话以后会收敛,只会同唔会惹绯闻嘅前辈玩埋啲,好似家燕姐咁。
限聚令下他跟陈山聪、谢东闵、莫家淦去跑步。
限聚令下他跟陈山聪、谢东闵、莫家淦去跑步。

最新回应

關鍵字

相關新聞

热门文章