【食完先减】预祝母亲节 余香凝三代同堂打边炉

因为母亲节正日要开工，所以余香凝寻晚提早同妈妈及婆婆庆祝母亲节，加埋妹妹余洁滢去打边炉庆祝，疫情缓和，多日无本地确诊，打边炉唔怕啦。

余香凝表示，「预祝母亲大人同婆婆 母亲节快乐！❤️❤️世界上最伟大嘅女人，希望你地每一日都开心快乐，身体健康！好耐无打边炉，好满足，好好食🤤」

寻日佢先自爆疫情下顺道调理身体而肥咗十磅，戒饭多年嘅佢亦听从中医建议，日日食饭，不过佢下周要同郑中基演ViuTV新剧《暖男爸爸》，因为唔想企喺对方隔离显得「太大份」，佢话会用极端方法减肥，咁食埋呢餐先减罗。