【撩妹金句】马海伦即叫即制请食猪肋骨　吴业坤口花花：同你一样咁滑

「长辈杀手」吴业坤（坤哥）深得圈中一班前辈欢心，日前收到「阿姐」汪明荃所赠的消毒喷雾后，他都表示惊喜又窝心，也自觉好有长辈缘，好开心得到大家的爱锡。今日，坤哥又于社交网上载两条短片，其中一段是他与「Helen姐」马海伦的Whatsapp对话，片中Helen姐收到坤哥嗒猪肋骨的照片后，即好贴心地问对方：「会唔会好『鞋』呀？够唔够味呀？」经常对姐级前辈口花花的坤哥就秒覆一句：「同你一样咁滑呀！」咁识冧女，难怪啲姐姐咁锡他啦！

坤哥又留言：「话说上年准备紧演唱会嘅时候，Helen姐佢惊我冇嘢食但又肥，所以佢整咗呢个健康嘅猪肋骨畀我，琴晚一想食又有得食……」仲Hashtag「请继续喂食」、「#好食到哭咗成晚」，一众网民睇见亦纷纷搞笑留言：「性骚扰呀」、「把口啷过油」、「又调戏人」等，认真爆笑！其实坤哥点止食过对方炮制的猪肋骨，前年Helen姐生日，他仲自爆「食咗佢只鲍鱼」，看来Helen姐经常煮「好西」过坤哥食！