【母亲节】张栢芝誓尽努力守护儿子 谢婷婷被囡囡踢醒最幸福

张栢芝在今个母亲节，特别拍了一条分馀钟的短片，内容是跟谢振轩（Lucas）、谢振南（Quintus）和细仔张礼承（Marcus）的生活片段，及栢芝带Lucas和Quintus玩高卡车，栢芝配以旁白：「亲爱嘅仔，今日系母亲节，每年呢一日我都觉得特别幸福，因为你哋嚟咗呢个世界。呢个节日对我嚟讲非常有意义，妈咪曾经都系一个细路女，都会怕黑，都会流眼泪，但系有你哋之后，妈咪变得愈嚟愈唔惊，我会带你哋去玩『好勇敢嘅游戏』，培养你哋成为真正嘅男仔。妈咪亦都好矛盾，想要睇住你哋跑喺其他小朋友前面，但又忍唔住一直回头看，确保你哋嘅安全。依家你哋赛车都开得好好啦，等你哋长大之后，真正喺道路上行驶，都要记得依家学到嘅安全知识，好好咁保护自己，亦都保护其他人。唔理点样，你哋永远都会系妈咪最骄傲嘅男仔，妈咪希望你哋心中有爱，做一个善良、强大嘅人，依家我尽我嘅努力，去守护你哋每一个，等你哋大个之后，就换角色，等你哋守护返妈咪一样，母亲节快乐！」
栢芝还留言：「每个宝贝都是妈妈的软肋，也是最坚实的铠甲。陪伴是妈妈们最温暖的守护，母亲节快乐」。

另外，Lucas和Quintus的姑姐谢婷婷，去年宣布诞下女儿，今年2月为囡囡Sara庆祝1岁生日，今日她贴上跟女儿的脚仔合照，留言：「没有甚么比做你的妈妈，每天都爱上你，然后用你的脚在我的脸中醒来更好的了，整个世界给我也不会用这个来交换。」