难忘儿时被屈偷嘢获信任 王梓轩越洋送歌冧妈咪

今日系母亲节，身在洛杉矶嘅王梓轩虽然未能返港同妈妈庆祝，但孝顺仔越洋送上礼物，同老友Jon Ong联手翻唱咗Ben Folds嘅《Still Fighting it》，个MV仲有两段童年时同妈妈嘅珍贵片段，好温馨：「呢首歌系讲父母对小朋友嘅期望同爱，首歌令我联想返喺我成长过程中，妈咪对我嘅教导同爱护，就算𠵱家好困难，但我哋都继续追寻梦想。」


谈及MV中的童年片段，梓轩话：「我细个都几百厌，12岁时有次我去机铺打机，手快快攞咗隔离小朋友啲代币嚟『救命』，个小朋友好大反应话『偷嘢！偷嘢！』我真系冇心嘅，我即刻还返俾佢，当时阿妈冇喺人哋面前闹我，仲维护我话『一定系误会，我个仔唔系咁！』但一返到屋企就真系嚟料喇！呢件事𠵱家仍然历历在目！」