做KOL试食母亲节蛋糕周汶锜儿子获赞Handsome Boy

2020-05-08 11:00

母亲节将至，「索妈」周汶锜（Kathy）昨日收到纽约人气饼店送上嘅母亲节限时甜点，红桑子玫瑰蛋糕及士多啤梨朱古力礼物，Kathy即兴奋喺IG放相，并交由两位混血囝囝Jacques和Avner试食，但周汶锜两公婆就未有现身。

呢个红色镜面蛋糕以红桑子及食用玫瑰花花瓣点缀，卖相唔错，内层系云呢嗱朱古力酱包住蜜糖海绵蛋糕，配上红桑子玫瑰啫喱夹心及开心果饼底，惯咗做KOL嘅大仔Jacques捧住蛋糕笑晒口；细仔Avner唔理咁多，一于食咗先讲，网民除咗祝Kathy母亲节快乐外，留言大赞个蛋糕同萌B一样咁甜，话两个小朋友大得好快，但依然Handsome同可爱。

作为两子之母嘅Kathy相当伟大，今年3月法籍老公Julien Lepeu难忍七年之痒，背妻「偷食」，Kathy劳气完都为咗小朋友原谅咗老公，还公开拆弹话：「我俩仍然相信『爱』能改善彼此关系，也是化解问题的源头力量！日后我们仍然会努力，为孩子，为家庭，为对方，互相珍惜，一起进步！」