【头条独家】亲子网上学习压力大　胡诺言一家去农庄唞气

之前新冠肺炎疫情大爆发，学生在这段期间全港改以网上学习，要教导子女功课的胡诺言（胡仔）与太太陈琪都嗌晒救命！「闭关」困兽斗多时的胡氏一家，早前就去了大埔蝶豆花园松一松，顺道体验农庄生活，向3个宝贝仔女进行户外教学。见两公婆充满耐性教仔女，问会否再追多个BB？陈琪即耍手拧头笑谓：「够晒数，顶唔顺喇！」撰文：黎宝伦　摄影：谭壹致　场地：蝶豆花园

胡诺言与太太陈琪早前趁闲日人流稀少，便带3个宝贝仔女到大埔一个农庄玩，实行寓学习于娱乐，胡仔说：「而家小朋友一系玩手机、一系睇电视，疫情下喺屋企上网做功课外，都希望佢哋可以多啲呢种亲子活动。」当日小朋友们先学整蝶豆花特饮，两位家姐Jay和Jacey都好独立，自己都搞得掂，惟3岁囝囝Jayden（波爷）则要父母从旁协助，点知制作到中段，波爷终于出声：「我自己嚟！」谢绝爹哋服侍，场面搞笑！其后，众人移师去农场喂兔仔、羊咩，再穿上围裙、手套落田耕种，胡氏夫妇就全程在旁讲解及指导，陈琪认为耕种过程中，可让小朋友学习耐性，并明白到食物得来不易。

拒绝再追B
提到疫情令工作大减，胡仔笑言幸老婆持家有道，一向有储蓄的习惯，加上近日少出街，口罩、使费都悭唔少。问亲子时间多了，关系是否更密切？夫妇俩却谓了解愈深、磨擦愈多，陈琪说：「网上学习系便利咗小朋友去学嘢，但对于家长压力都好大，见老师用好多耐性去吸引学生注意，我哋都觉得呢份工唔容易！」故她笑言3个够晒数，决定封肚，惟胡仔却唱反调：「我好锺意细路仔，见到初生BB就流晒口水，得闲又会揿3个细路啲相、片出嚟睇，嗰阵奶味真系好正！」语毕陈琪即落闸：「但要去另一个阶段㗎喇，有时谂如果嗰时冇波爷出现，而家已经甩身，好爽！所以我无理由咁蠢又跳落个火坑度，哈哈！」