【哭哭】手电突死机 陈家乐救返冇晒新相

陈家乐好唔开心，手电入面冇晒16年至20年嘅新相，事缘系咁嘅，「话说今日一起身，iPhone 突然黑画面，搅左全日都用唔到，之后开始上网搵方法又搅咗成晚，最后我开返部机，但近1年嘅相冇晒，而部机入面全部系2016嘅相，%/$&&$&!!!#%^^!」啲符号代表咩大家都好清楚，另外佢hashtag寻回了青春、憎死iphone、唔该最近一年帮我影过相嘅朋友send番相比我同埋我醒唔起点解2016我会摆咗个咁嘅pose。

好多人留言问佢点解唔畀钱升级iCloud，咁就唔怕唔见电话或死机后冇晒啲资料啦，估计早前斥资半亿购入何文田豪宅嘅家乐唔系因为孤寒唔愿畀钱，应该无为意，咁快啲搞搞佢啦。