【头条独家】首做大骚司仪 黄建东开心被肯定

黄建东最近剧接剧，在新剧《陀枪师姐2020》拍住陈豪及宣萱等好戏之人合作外，最开心首度做大骚《星光熠熠耀保良》司仪，又可以做《娱乐大家》和《安乐窝》等节目嘉宾，他自言感觉被肯定，但唔会自满，会继续努力争取表现。他又坦言疫情下，赚外快机会冇晒，幸好公司keep住有工开个心先定啲。采访：杜淑霞 造型：Derek Wong 发型：Marcus@Brune Blonde 服饰：Flower Mountain HK、DAUMIER；SILVER’N GRACE

阿东近日确实几红，除了在剧集《机场特警》中经常亮相外，更加出任大骚《星光熠熠耀保良》司仪，以及多个节目出任嘉宾，真系一至日都有机会见到他演出。讲到首度做大骚司仪，他坦承相当荣幸，「最初PA（助理编导）通知我时，我一直以为只系有份，或者出任外景司仪，其间因为疫情外景取消咗，我仲谂住冇份做，点知到彩排嗰日我先知，原来自己喺一厂，拍档仲有阿姐，真系唔敢相信，好多谢嗰晚阿姐、区永权同陈庭欣都好照顾同提点我。」

有工开个心先定
讲到阿姐，阿东话近期同对方都好有缘，大骚拍档完仲出任对方主持的《娱乐大家》嘉宾，至于先后出任多个节目嘉宾，亦令他相当兴奋，「近排可以做节目嘉宾，焦点可以喺自己度，觉得有种被肯定嘅感觉，但我唔会自满㗎，会更加努力去工作，希望嚟紧会有更多机会。」



阿东透露受疫情影响，搵外快机会冇晒，但幸好每日都有工开，先至冇咁旁徨，「呢排拍紧《陀枪师姐2020》，keep住有工开，个心真系定啲㗎！加上我同陈豪、宣萱佢哋好多对手戏，可以有机会同两个前辈偷师。第一次同宣萱合作最初都会好紧张，但佢第一次见我就话好锺意睇我啲搞笑片，我即刻放松番心情，后尾相处落发觉原来佢仲好讲得笑𠻹㗎！所以每日开工都好开心。」