【机场特警】杨明望收视不差《法证IV》 张振朗吁观众唔好罢睇

杨明、张振朗、蔡思贝、汤洛雯等全副武装亮相，为下周一开播的无綫剧集《机场特警》宣传，会上播出拍摄时片花，杨明、张振朗、蔡思贝、邓佩仪等，都为著饰演机场特警进行不同程度训练，男演员更练出一身肌肉，相当养眼。

问现在对比剧中身形可感到惭愧？张振朗说：「拍嘅时候大家都黑黑实实又乾身，我比较瘦，杨明就好睇啲，见佢日日带饭开工，都系见佢食烚鸡胸。」杨明笑说：「因为拍呢套剧知道肌肉宝贵，依家我搵咗啲嘢包实佢！」问女友庄思明是否较喜欢他满身肌肉？杨明笑就：「点样都咁锺意我！」

对紧接《法证先锋IV》播出可感收视压力？杨明说：「希望收视可以差唔多，希望多啲观众睇，大家都用咗好多心血练。」谈到警民关系持续紧张，亦有网民发起罢睇，张振朗说：「唔好啦！都睇下啦，我哋落咗好多心血，由夏天日晒雨淋到冬天得10度跑山，都想多啲观众睇。」