【头条独家】爆欧锦棠招式愈度愈难张建声将潜能迫晒出来

2020-04-23 23:00

张建声（Justin）最近在ViuTV剧集《打天下》饰演仓田保昭儿子兼空手道会主席「武田国全」，他坦承最初获欧锦棠邀请都担心未接触过空手道应付不来，但又想挑战自己，不过棠哥见他应付到，就会跟武指度更高难度招式给他，将他潜能迫晒出来，但他一度受伤流血则纯属意外。Justin又大赞仓田保昭有大师级气场，演对手戏令他好紧张，反而对方劲nice，仲亲自教他讲日文对白。采访：杜淑霞

Justin谓自己对空手道完全冇认识，好惊做不到棠哥要求，「拍之前真系冇接触过空手道，好担心应付唔嚟，但当时我啱啱拍完《一秒拳王》套戏，演完拳手，操得都几fit，都想再挑战吓自己，睇吓自己做唔做到另一样嘢。」

仓田保昭气场劲
开拍前Justin都有上堂学习过空手道，加上以往都有跟老师学习过一些翻滚动作，所以尚算应付到拍摄，怎料棠哥见到他做到就不会放过他，他爆料说：「最搞笑棠哥见到我应付到，就会同动作指导博师傅（梁博恩）度啲更高难度招式俾我，真系将我啲潜能迫晒出嚟。」至于拍摄时他一度受伤流血，他就解释纯属意外，不过就否认演出太过瞓身，「咁我一向都系咁瞓身，但都会注意安全，都唔想受伤嘅。」

讲到初次同大师级的仓田保昭合作，仲有幸演其儿子，Justin大赞对方气场好劲，「仓田老师嘅气场都系大师级，我对住佢真系有啲惊，仲要我第一次全日文对方演戏，好彩佢好nice，见我啲日文对白语气讲得唔啱，仲亲自教我，真系个好值得尊敬嘅前辈。」讲到对白，原来除了日文对白难应付，他更被7页纸广东话对白考起，「我演空手道会主席，有场演讲戏得我一个人喺度讲足7页纸，由于好多资料性嘅嘢，加上我真系少拍电视剧，好少要一次过背咁长对白，拍之前嗰晚我紧张到瞓唔着，但拍完真系好有满足感。」