【头条独家】妹妹婚后继续做音乐 乐印姊妹靠新歌倾诉心声

乐印姊妹早前为参与演出的微电影《不可抗力》，度身订造及主唱主题曲《什麽都可》，她们希望歌曲提醒大家莫忘初心，只要有信念及坚持，不怕任何批评都会捱过兼做得更好，这个亦是她们多年来做歌手的心声。谈到已离开娘家TVB的妹妹乐印将为人妻，她讲明婚后会坚持做音乐，暂时未有生Ｂ计划。撰文：杜淑霞 摄影：李权威 发型、化妆：Rita Leung 服装：KORlor Palette 场地：欢乐天地@E-Max

妹妹乐印话这歌是她们亲身经历，「无论做歌手、主播、甚至做老师，好多人话畀你听唔work㗎！你冇可能两件事都做到㗎！好多负面嘅意见，或者系真心希望你好，但究竟边个去决定嗰样嘢得唔得，好定唔好呢？喺你哋眼中乜都做唔到，但喺我哋眼中乜都有可能，于是就有呢个《什麽都可》嘅概念。」

学宠物美容
对于参与微电影演出，两人都话好大挑战，妹妹要扮伤残人士瞓在牀，四肢不能动弹，但导演要求高连手和颈的微动作都要做得好。至于向来内敛的家姐乐桦压力更大，「未拍之前我好担心嘅，因为我唔系好记到对白，平时我份工要成日讲嘢，但记对白又唔同，但导演好好，会帮我哋入嗰个情绪，如果我讲对白唔系几到位，佢就会拉我哋埋一边同我再倾，咁就即刻有喊戏出现。」


早前圈外男友求婚成功的妹妹乐印，会坚持继续做音乐，不过都有学宠物美容，希望将来可帮补家计，但跟未婚夫暂时未有生B计划，因未来奶奶好开通冇压力，「好多人祝我年生贵子，铡住，唔好呀！暂时经济上或者我哋都算好young嘅，因为我凑紧个大B（指未婚夫），真系缘份到佢要落嚟攞债咪生罗！」