【疫下开工】陆汉洋买垃圾袋笠枱櫈　苟芸慧嫌老公过份紧张

新冠肺炎疫情肆虐全球，各行各业大受影响，娱乐圈亦不例外，不论活动、电影、舞台剧、演唱会等通通煞停，不少艺人近乎零工作，「幸福人妻」苟芸慧（苟姑娘）也坦言好多工作延期，有些延至年底，但都要睇到时情况，她说：「如果疫情仲系咁严重，可能年底都未必做到，不过呢啲事大家都经历紧，对我嚟讲，等待嘅嘢可能系更美好，唔需要咁心急，或者都系一个好嘅经历，可以畀我喺屋企多啲休息，谂谂之后嘅路点行，同埋睇多啲戏，欣赏下前辈演技，再次准备好自己。」

然而对苟姑娘来说，最大的影响是未能飞返加拿大见屋企人，「本身打算返加拿大，因为爹地、妈咪、细佬都喺嗰边，好想返去见佢哋，但可惜而家飞唔到；我亦好想去旅行，唯有睇旅游节目当去咗，有时播紧旅游节目，我会叫老公（陆汉洋）帮我喺电视机前影相，当去咗。」但可幸的是，近日在「疫」境下她仍有工开，日前，苟姑娘为代言的地产按揭公司拍摄新一辑广告，当日即使拍足12小时，她都依然状态大勇。问到出门拍摄可有做足防疫措施？她即没好气表示：「我老公超级紧张，反而我就随遇而安，我觉得大家戴口罩、量体温、用消毒搓手液洗手，已经好安全，但佢就紧张到会买啲垃圾袋嚟笠晒啲櫈、铺晒啲枱，搞到好唔方便，我明白佢嘅出发点为我好，但有时似乎过分紧张吧。」

虽然经常留守家中，但苟姑娘没有因而增磅，依旧Fit爆，全因她在家中依然运动量十足，除了闲时跟老公打机外，亦大玩HITT（High Intense Interval Training）运动及研究生酮饮食。问到可有趁空档入厨整蛋糕？擅长整甜品的苟姑娘说：「留喺屋企都会做自己开心嘅嘢，例如整蛋糕，不过老公唔食甜嘢，整完都系攞落楼下请清洁姐姐佢哋食。」

提到今次拍地产按揭广告，苟姑娘自言对投资没有太多心得，自己正努力学习中，但她都好传统，偏向喜欢「买砖头」保值，至于有否打算做生意开甜品店？苟姑娘说：「有打算开班授徒，将自己识嘅嘢教畀人，等佢哋又可以整甜品畀身边嘅人食，系一件好开心嘅事，所以我都有同朋友商量，待疫情过后，租个地方轮流教学生。」