【头条独家】疫情前闪游日本 谈善言冇靓景靠食叉电
2020-04-05 22:01 
谈善言早前趁住到冲绳拍摄以空手道做主题的ViuTV新剧《打天下》，顺道去了4日青森及东京旅游，由于当时新冠肺炎未扩散，所以行程未有受疫情影响，本来她一心去奥入濑溪流睇靓景，不过因当地天气太大雪周围结了厚冰，未能达成心愿狂影靓相，唯有当成拍剧后休息叉电之旅，饮饮食食放纵一下。采访：杜淑霞
阿谈在《打天下》中演空手道高手，但现实中她从未接触过，所以早在开拍前3个几月，她已跟该剧监制兼男主角欧锦棠苦练，「虽然真系好辛苦，因为本身完全唔识空手道，用几个月速成，但见到拍出嚟打得好靓，自己都好开心。」所以去到冲绳差不多完成拍摄时，阿谈都忍唔住爆喊，「嗰日去海边拍我坐喺度谂嘢，好感动咁喊，但听住啲海浪声，cut咗机我做番自己都继续喊咗10几分钟，入行咁耐都未试过咁样，可能前后用咗半年时间喺个角色度，顺利完成咗特别感动。」
天宫不造美
由于拍得辛苦，阿谈即准备假期慰劳一下自己，完成冲绳拍摄即去到青森旅行，但可惜天宫不造美，「我本嚟同朋友谂住去奥入濑溪流影风景相，嗰度出名四季都有唔同景色，但因为落好大雪，周围啲雪太厚，变咗啲景得啲雪好单一，冇乜变化，所以都有啲失望，或者下次再去过啦！」虽然冇靓景影相，阿谈此行绝对休息够叉足电，「拍剧嗰排都要节食，呢几日终于可以放纵吓，加上日本啲嘢真系好好食，所以真系食咗好多嘢，同埋好放松，绝对系叉到电，可以返嚟再继续努力工作。」阿谈亦庆幸早出发，因疫情关系，相信短期内都唔会有机会去外地旅游。
最新回应