【头条独家】泰国避炎抛胸晒靓臀 36E陈婉衡疫下「派糖」
2020-03-02 21:00 
全民抗疫下，唔只财爷陈茂波派钱，继傅嘉莉 (Kelly) 喺柬埔寨拍《3日2夜》压轴篇大晒34C「胸器」后，36E「咪神」陈婉衡（Alycia）亦紧贴「派糖」。之前她于泰国布吉岛一个Resort内狂影喷血写真，见Alycia穿上好有SM Feel的黑色泳衣浸于池水中，斋睇相已精神晒，另外又喺池边玩「影后」，湖光山色配上34寸蜜桃靓臀，有前有后让你快乐抗疫。采访：方骞平
陈婉衡在布吉分别换咗三套性感泳衣影写真，深坑事业线加蜜桃靓臀，完美Body睇极唔厌，被指接力「派糖」，陈婉衡大笑说：「我冇话想派『福利』，亦唔觉呢啲泳衣相会令到大家开心啲喎，只不过咁啱去咗布吉岛做嘢，既然有阳光与海滩咪喺Resort内影吓相罗。其实之前我考咗健身教练牌，因为太忙，一直未开班收学生，𠵱家打算下月会开一啲健身课程。」
唔同傅嘉莉比较
而陈教练亦理解全民抗疫期间无咩事唔会点出街，所以打算拍片喺网上分享运动小贴士，教大家喺屋企点样keep住做健身练出靓身形。「所以呢期真系花多咗时间，研究点样锻鍊Body，尤其见到个蜜桃臀有小小成绩，咪开心share吓。最搞笑原意系着住条中间开咗个心型窿图案嘅黑色T-Back，谂住晒个心型印出嚟，点知只系晒黑咗，徒劳无功。」记者笑问Alycia系咪用36E「凶」走「性感女神」傅嘉莉？Alycia大笑说：「唔会特别同其他人去比较，我只系想挥低我自己，愈嚟愈fit啫，除咗条腿，其实做运动付出几多自然有几多收获，希望自己有好身形同时都帮到其他人。」
羡慕人哋有长腿
Alycia偏向锺意外国女仔身形，常关注热爱健身嘅外籍KOL，「佢哋真系好fit，系我目标，我觉得自己条腰同蜜桃臀仲可以练得再紧致啲，线条可以再出啲，未够满意呀！」至于香港女艺人中，Alycia大赞简淑儿(Jessica)、余思霆（Stitch）及朱智贤(Ashley)身形好正，「简淑儿娇滴滴，其实佢练到爆肌钢条身形，有前有后，至于Jessica同Stitch除咗有靓身材，仲有双好正嘅长腿，令我非常羡慕，无论我点努力都好，我一世都唔会拥有，因为修长美腿系唔会练到返嚟。」
最新回应