【头条独家】进击的打女杨柳青街头摸男友调情

2020-01-09 23:00

「新一代打女」32岁杨柳青（Wiyona）唔只打得，仲有样有身材，32B配Fit爆身形啱啱好。曾经同唐文龙传绯闻嘅Wiyona最近转咗口味，情倾老外，继之前Set晒头、化行妆兼着白色贴身Top，一身进击Look喺街头激咀老外后，日前再喺铜锣湾见两人踪影，Wiyona对老外男友流晒口水，讲讲吓嘢都忍唔住伸手摸向男友，睇男友个冧样，都被Wiyona热情融化了。采访:梁志明

早前杨柳青在TVB剧集《解决师》饰演性感女秘书Tracy，一场大露背出浴戏加三点式色诱戏，睇到猛男心郁郁。Wiyona打起嚟好威猛，原来对住男友一样进取。

男友冧到爆
日前傍晚六时多，杨柳青和老外男友及一位女性长辈在铜锣湾三人行，带住黑色口罩的杨柳青忙住打电话帮长辈call车，最搞鬼系，趁住讲电话嗰分几钟，杨柳青都出击丧摸男友膊头、手仔，男友见杨柳青咁Hot，即以心心眼回应，绝对冧到爆。摸完一轮，Wiyona好似挞著咗一样，讲完电话仲手舞足蹈，表情多多，好鬼生猛。