【头条独家】返苏州见病重婆婆兼奔丧朱晨丽唔做自私鬼会自我隔离

2020-02-05 20:21

近日武汉肺炎疫情持续，内地确诊人数不断上升，本周二，本港更出现首宗武汉肺炎死亡个案。正当响起健康警钟人人自危时，原来朱晨丽曾秘密返苏州乡下过年，凝聚亲情同时，争取时间见最爱的婆婆最后一面，之后回港近日又再度回苏州奔丧！虽然犯险，但她亲情大过天，一于冇有怕，不过她强调回港后必定会自我隔离。采访：方骞平摄影：李权威服装：Magazzin Group 化妆：Soie IP 发型：Franco Chung @Leonardo 3 Hair corner 场地：la bo la @ Lee Tung Avenue

日前朱晨丽于社交网上载了一对手的黑白相片，留言：「天使来把您接走了，我会尝试习惯尝试坚强……下辈子我们还做一家人！！！相信在天堂，我们会再遇见，等我！」对婆婆的离世，一字一泪！孝顺女朱朱喺新春期间去咗苏州送婆婆最后一程，未有留憾。

留家自我隔离

今时今日作为大台姐仔，身骄肉贵的朱朱，为咗亲人，坚持北上冒险，没有顾虑自身安全问题！她回覆本报记者说：「多谢关心，大家唔使担心我，因为我整个新年都留喺苏州过，我冇出过街，要防护自己，亦保卫他人，仲可以藉此机会多啲陪吓屋企人，因为陪伴，系世上最昂贵嘅礼物！祝福大家新年快乐，幸福安康！」朱朱于疫情大爆发前已回港，但近日再度回乡奔丧，但她表示为人为己，回港后必留在家中自我隔离。

为婆婆剪脚甲

年年长途跋涉回乡过年的朱朱，其实喺过年前经已许下新年愿望，望当时还未过身的婆婆早日康复，她有感而发说：「新年愿望好简单，希望婆婆精精神神，无论我几忙都好，都希望抽到时间去探佢。本身妈咪成日来港陪我，爸爸间中会嚟，今年我叫佢哋唔使嚟，陪住婆婆先，因为婆婆先至系需要照顾嘅人。之前得两日时间，我都返咗去一次，希望见多啲婆婆。老人家生命倒数中，作为后辈要珍惜每次见面时y光，我由婆婆带大，同佢比较close。」

难得回乡，朱朱为亲近婆婆多啲为她剪脚甲，「可能机能问题令到佢嘅指甲既厚又硬，但又好脆弱，我都未同妈妈剪过指甲，但今次弯身帮婆婆剪脚甲，搞到条腰痛到伸唔直，但唔紧要，我好珍惜呢啲时光。」她又自爆未带过绯闻男友何广沛见老人家：「我比较传统，觉得要去到结婚先会带返屋企，我同佢系好熟，再次合作拍《大酱园》沟通系升华咗嘅，不过，同佢嘅关系介乎喺『友达以上，恋人未满』，欠缺咗挞一声，(咁要点先挞得着？) 呢啲由男仔谂，女仔要被动啲，(佢争乜？)哈！争timing啩。」

要做朱晨丽第一

随住剧集《多功能老婆》中演「十三点」阔太思蕾演技受赞赏，监制陈宝华更睇好朱朱必定上位兼爆红，仲系视后佘诗曼接班人，对此，朱朱开心说：「初入行时，啲人问我想唔想做嘉玲姐(刘嘉玲)第二？唔知点解我咁答：『我未必可以做到嘉玲姐第二，但我可以做朱晨丽第一！』所以呢句说话一路keep住喺心里面，希望自己都好似佢哋成功之馀，都成为一个icon、榜样，多啲人以我为荣。」