【头条独家】拍剧唔受33D刘芷希诱惑萧正楠娶到翠如系人生最好嘅事

2020-02-05 19:16

由张兆辉主演嘅无綫新剧《黄金有罪》去到中段，剧情愈来愈紧凑，剧中辉哥同姚子羚有Kiss戏，洪永城又先后跟陈滢、人妻陈自瑶及李璧琦有亲热戏！至于萧正楠喺剧中人才两失好落泊，幸而监制王心慰安排暗恋他的红牌舞女，马来西亚演员刘芷希（Kimmy）为亲近他，着住火红色三点式坐喺他身边陪烧烤，大晒33D导弹上围！阿萧强调拍该场戏时目不斜视，更乘机向爱妻黄翠如发表爱的宣言：「娶到呢个太太系我人生最好最好嘅一件事！我好开心呀，即使婚前都变身『绝缘体』啦。」采访：方骞平发型：Will@Hairculture

萧正楠在新剧《黄金有罪》中处境好凄凉，刚好跟现实事业、家庭两得意相反，他坦承近11年生活美满：「当年签TVB前去咗北京发展咗几年，感觉好迷茫，真系有谂过转行，但谂唔到可以做乜！呢11年好似坐紧人生过山车咁，启发到一个人最重要有把握心态，就算跌紧落去谷底都系一种锻练嚟，因为冇落过去又点知上返去嘅开心呢！我用呢个心态去接受起伏，经历过高低，所以变得好平常心，受压程度都会大好多。」

未有生育大计

讲到黄翠如，阿萧赞到老婆上天。「翠如系个开心嘅人，佢对我几大改变，互相影响对方，佢学习我优胜嘅嘢；我吸收佢身上我冇嘅嘢，大家一路成长，娶到呢个太太系我人生最好最好嘅一件事，我好想照顾佢。我哋会互相鼓励，早排有人抨击佢声线同演技，我会戥佢难过，因为佢系好用心做戏，可能睇开佢旅游节目嘅观众，一时难以投入佢演戏，我会鼓励佢唔好计较暂时嘅评论，继续垂下头做好戏，打后应该会得到观众认可。」

至于生B问题，恨到流口水的萧正楠强调要顾及对方感受，不能太自私，因为对方是事业冲刺期，待下半年两公婆才认真去探讨：「我想佢喺最安心时候先谂生育问题，更何况郑嘉颖、曹永廉都系好大个先做老窦啫！」