【头条独家】同老婆拍拖行街买礼物 陆永主动报料买唔到嘢

陆永同老婆结婚八年，家有两个分别就嚟8岁及6岁嘅囡囡，一屋女人嘅陆永好幸福。日前下昼，陆永同老婆及一女友人去咗尖沙咀K11 MUSEA行街， 眼利陆永好快发现记者主动报料，「嚟买礼物，睇唔啱。」叫佢同老婆一齐影张相，陆永笑住推，「佢唔锺意呢啲嘢㗎。」采访:李权威

因为转数快，讲嘢又好笑，加上拍住Do姐，陆永同C君都非常搵到食。去年暑假陆永就先带老婆去内蒙古玩，之后再一家四口飞去苏梅享受阳光与海滩，辛苦搵嘅钱都使喺屋企人身上，好男人。

行极都睇唔啱
日前下昼5点，陆永同老婆及女友人现身K11 MUSEA，见三人行街纯系Window Shopping，望吓店面就行过，之后行经Coffee Shop就买咗包咖啡豆，跟住继续见铺过铺，然后终于搵到间铺可以睇吓，主力陆永老婆睇，陆永就陪住老婆，但都睇唔啱，离开时陆永发现记者主动Say Hi，陆太好避忌即刻闪走。陆永笑笑口话同老婆嚟买礼物，但睇唔啱，之后就去咗买面包然后再去停车场攞车离开。