单飞等足5年 何建曦爆C AllStar未有计划10周年合体

C AllStar成员何建曦（SoulJase）作客TVB娱乐新闻台节目《StarTalk》专访，大谈单飞出歌感受。SoulJase说：「其实C AllStar休团之前已经有造歌嘅计划，但一等再等，唔经唔觉已经等咗5年，始终C AllStar单飞有先后，公司又唔想4个炒埋一碟，我又唔介意行后，可能一早已经谂咗点做，所以我行单飞相比之下比佢哋清晰。」
问到2020年属C AllStar的10周年时，SoulJase说：「等埋King嘅作品先，但系咪King出完歌之后就会合体，我真系唔知，因为仲未有计划，可能我哋会开始做第二Round单飞。」

新歌《Bounce Back》以人性当中的「谎言」为题材，问到SoulJase为何喜欢研究人性这类题材？他说：「可能我系双鱼座，锺意谂嘢。（觉得自己真实一面系点？）啲人觉得我好串，成日黑口黑面，我内里其实好温驯，我都想知我几时串过人，几时黑口黑面，我系俾人串嗰个，4个入面我比较Easy Going，我绝对唔系虾虾霸霸嘅人。」