【口罩荒】寸高温蒸口罩教坏人　邵仲衡：文明坠落的悲剧

武汉肺炎杀到，全城掀起抢口罩热潮，见不少市民扑空，民建联议员蒋丽芸（Ann姐）就提供一个应急的「解决」方法给大家，她昨晚于社交网转发一条短片，「醒」大家一招「一次性口罩蒸气消毒法」，并写道：「当口罩供应短缺时，高温蒸汽消毒可解燃眉之急。」

呢招Work唔Work就自行判断嘞，不过却即时引来大批网民闹爆她教坏人，众人纷纷留言揶揄：「支持Ann姐身先士卒，」、「不如你Share之前做吓基本嘅Fact check先好冇？」、「个口罩已经充满细菌，处理不当分分钟中招，唔好乱教人一阵搞到社会大爆发害死人」等，甚至连圈中人邵仲衡都忍唔住转发兼寸道：「蒸完连随5碗水煲埋1碗，趁热呀，趁早。」最后，他仲爆粗炮轰：「蒸口罩，咪全屋喺，C＿S！」又谓此事是「文明坠落的悲剧」。

此外，梁芷珊亦出Po笑问Ann姐：「系咪俾人Hack咗Account呀？如果口罩蒸得，咁戴住冲凉咪得罗，开热啲水，或者戴住佢焗Sauna，出返嚟咪消咗毒罗！咁你一个口罩咪够用一世？」然而，港大感染及传染病中心总监何栢良，事后已回覆传媒查询，指「高温蒸罩」影片错得离谱、害死人，又强调外科口罩应用完即弃，千祈咪再转发有关影片喇！