【头条独家】 泰国直击 姜文杰逆巿开公司拍电影 秦沛亲自演出力撑
2019-12-06 20:30 
秦沛（Paul）和姜文杰（Benji）首次以父子档拍摄港产电影《大盗演》，今次更是Benji跟李璨琛等人成立制作公司的创业作，Benji亦身兼执行监制，身为爸爸的Paul哥当然要亲身到泰国演出力撑。Benji坦言明白巿道低迷下开公司冒险，但仍想为这行业打气及制造机会，Paul哥对囝囝的付出相当鼓励。采访：杜淑霞
《大盗演》以一套烂尾电影开始，Benji坦承角色非爸爸演出不可，「爸爸个角色虚幻啲讲，代表呢个行业咁多年嘅代表，我就代表入行冇乜机会嗰啲，所以有好多对白喺Paul哥呢个演员口中讲出嚟，唔系对我，系对咁多演员嘅鼓励。」Paul哥亦直言今次演出不是单纯撑囝囝，「系想鼓励呢行嘅从业员。」
出世已入行
Benji坦承整个家族，由爷爷严化、嫲嫲红薇，到爸爸和两位叔叔姜大卫和尔冬升都是圈中人，自己一出世已入了行，「真系冇得拣，我唔做呢行会瞓唔着。」Paul哥都直言，「佢喺UBC毕业，我都有问佢点解做呢行，好辛苦㗎喎！但我答应佢大学毕业，就可以追求自己嘅目标。」
讲到这个时势开制作公司决定会否太冒险？Benji好感概话：「自己前排情绪都好低落，因为音乐比电影更萎缩，我冇得喺台上表演，自己好唔开心，可能开间公司对我哋自己都系灵药，一路keep住做，又帮到有志入行嘅人。」Paul哥都好支持囝囝决定，「鼓励，食咗电影呢行咁多年，佢阿爷养大我，我就养大佢。」
最新回应