频NG食咗半包烟 杨柳青拍到想呕声沙

杨柳青最近在无綫剧集《解决师》饰演性感俏秘书，但在新片《催眠．裁决》中，她则收起媚态，扮演职业杀手，除有埋身肉搏武打戏份外，更有不少枪战镜头，十足女中豪杰。
动作戏对杨柳青来说是驾轻就熟，但论到拍摄枪战，她却是首次尝试。她说：「成日都忍唔住眨眼，唔识点揸枪，好彩遇到今次动作导演钱嘉乐，我同佢第一次合作，喺佢身上获益良多，佢唔单止教我点揸枪，仲教我好多拍动作戏技巧。」
杨柳青直言跟钱嘉乐合作后，即封对方为偶像，期待可以再度合作，「平时见佢演嘅角色好搞笑，但佢一去到片场就会好认真，佢仲分享咗好多做动作演员嘅经验畀我，以前我NG会觉得尴尬，怕影响到其他演员，系佢同我讲动作演员唔应该怕NG。」

杨柳青续说今次拍摄，虽然没有被动作戏难倒，却被一场「食烟」考起，搞到频频NG。她说：「平时我系唔食烟，今次第一次要拍食烟镜头，可能出嚟效果唔够型，所以频频NG，一个简单食烟镜头，一食就食咗半包烟，唔惯烟味，边拍边想呕，拍完呢场戏，声都沙埋。」认真大牺牲。
问到除了打之外，还想演甚么角色？杨柳青笑言不敢贪心，想继续从武打方面让观众认识她，说：「希望可以杨盼盼、杨紫琼、杨丽菁后，提起武打女星，大家会叫得出杨柳青。」