【头条独家】友谊小姐变艺人悭住使 陈熙蕊入手平价喱士背心

今届港姐嘅友谊小姐，26岁嘅陈熙蕊（Blossom）已签约成为TVB艺人，由平民到友谊小姐再变成为artist，虽然身份唔同咗，但生活依旧贴地。日前见Blossom去咗铜锣湾行街，佢先去记利佐治街食酸辣粉医肚，再行去骆克道的平价少女服饰店6ixty8ight买喱士背心，背心仔百几蚊，款式好质地又唔太差，见佢拣咗好耐，入手一件咁大把。 采访：梁志明

陈熙蕊在比赛中表现都算突出，先凭出色口才获得港姐限量珍藏迷你版后冠及权杖，然后再夺得「友谊小姐」名衔。事前她被看好入三甲，令她信心大增，只可惜决赛当晚，才艺表演数白榄式Rap，有网民表示听到起鸡皮。最后她都不能打破「友谊小姐魔咒」而落选，不过仍可以跟TVB签约成为艺人。

百几蚊都要悭住使
日前下昼三点，未有新工作的陈熙蕊去铜锣湾shopping，她先去金百利附近食「伤心酸辣粉」医肚，食咗半个钟就慢行去骆克道的平价少女服饰店6ixty8ight睇内衣同背心。全店衫都唔太贵，买匀全身都唔过六百， Blossom睇咗10分钟，期间用手机上网搵吓心水款式再比较吓，最后情倾白色吊带喱士背心，佢入更衣室试完就去畀钱，埋单$140有找。