【头条独家】入手Bra Top贺瓷婚 邱淑贞好体贴沈嘉伟

1999年10月31日，邱淑贞同时装王国I.T主席兼行政总裁沈嘉伟喺东京结婚，当年男方仲揸住架法拉利跑车载老婆喺日剧拍摄浪漫地彩虹桥兜风，话咁快就20年。上周三(30/10)，15岁二女沈日陪51岁靓妈去中环Shopping，点解会知阿女陪阿妈?从拣嘅衫估到罗，一条白色仙气连身裙，一件黑色性感Bra Top，后者感觉好久违，结婚二十周年，当然要隆重其事，着靓啲食餐好嘅，沈嘉伟真有福。采访:李权威

邱淑贞三个字近年见报率好高，点解?因为佢个17岁，被称为「最索星二代」的大女沈月。沈大小姐如迷你版邱淑贞，好靓，好有星味，每逢佢update ig，传媒会报导，网友会讨论，邱淑贞成为必提项目。加上佢成日陪阿妈行街，总之报导量极高。

沈日有啲无聊
近数月， 沈月去咗英国读书，ig又无成日update ，好似静晒，好彩佢有个阿妹沈日，15岁唔似阿妈似阿爸，有啲baby fat，好可爱。上周三下昼三点，沈太同沈日去咗中环雪厂街行名店，两母女喺英国设计师品牌Simone Rocha拣衫，睇沈日百无聊赖四围行，对成熟型靓衫无乜兴趣，而邱淑贞就好聚精会神咁拣，师傅明白了。


入I.T避记者
邱淑贞同个女行咗一个钟，靓妈拣咗一条仙气白色连身裙加一件黑色Bra Top，见佢望住Bra Top几秒，个样先尴尬后欢容，然后就拎咗入更衣室试，试完满意就当然畀钱，离开时两母女发现记者，沈太即刻将戴返副黑超，沈月完全无问题，任你影，然后两母女行咗入I.T.，好耐都未出嚟。