【头条名人】首拍Kiss戏觉得好难 杨柳青为出浴戏两日唔饮水

「新一代打女」杨柳青（Wiyona）最近在TVB新剧《解决师》中饰演性感女秘书，经常要着贴身衫出镜，甚至要着三点式坐游艇及拍大露背出浴戏，搞到佢好紧张，事前要日日做Gym兼戒口，拍摄前两日开始唔饮水，希望「脱水」两日令身形再靓啲。唔饮水好难捱，但唔及跟剧中情人李天翔Kiss辛苦，她笑言是首度献出荧幕初吻，「无谂过锡锡都咁讲技巧」，她表示除咗学拳、学揸枪，嚟紧都要苦练埋锡锡了。
撰文：李佩仪 摄影：李维隆 发型：Kitty @haircorner 饰物：wowfahionhk 场地：Paper Moon

杨柳青表示自己性格一向男仔头，所以演女秘书是挑战，幸好TVB准备好多靓衫靓鞋畀佢，她笑言：「一着起啲衫真系会斯文啲，行起路嚟都会扭吓扭吓。」有场戏要Wiyona爬上床跟情人李天翔谈心，「我用平时爬上床嘅方法，点知男导演即刻叫停，再问我可唔可以婀娜啲，跟住佢跳上床示范畀我睇。」提到剧中要穿三点式和有出浴戏，Wiyona直言：「真系好紧张，因为我一向畀人感觉系做运动同打功夫，所以唔可以拍得唔靓，于是拍摄前我日日都做gym，食嘢又要清淡啲，戒饭、甜品同宵夜，拍摄前两日仲要『脱水』等身形乾身啲靓啲。  」所谓「脱水」是唔饮水落肚，但她有饮水去湿吓个口。

拍喊戏喊唔出
提到穿三点式拍摄场口， Wiyona说那场要色诱二世祖温家伟，拍摄都算顺利，不过出浴那场只能戴Nude Bra和穿肉色打底裤，她笑言： 「感觉好似冇着咁，拍摄现场又多人，所以都几尴尬。嗰场戏我仲要献出我嘅荧幕初吻，我睇其他人拍接吻戏好浪漫，我以为我都做到，但原来唔系想像中咁易，都要讲技巧，唔可以太猴擒，速度又要啱，大家嘅嘴唇位又要夹，（系咪要NG好多次？）都系拍咗半个钟，因为要赶住交场，哈哈！ 」 今次她还有另一个挑战就是喊戏，她续称一场喊得出一场喊唔出，喊极都流唔到眼泪，结果只能做到眼湿湿。 」幸好今次她的对手陈敏之和李天翔都好好，经常提点她，又不时请她食饭，她笑称像一家人真系拍得好开心！