【头条独家】聚少离多导致离婚龚慈恩觅第二春顺其自然

2019-11-07 17:53

龚慈恩最近跟吴岱融在《牛下女高音》中第Ｎ次合演夫妻，不过今次龚姐发恶做个强势老婆，搞到岱融哥都怕怕，她坦言自己在港剧少有这种演出几有新鲜感。不过她强调现实自己并不强势，跟前夫林炜离婚只因聚少离多，感情转淡，大家都适应没有对方在身边生活，而现阶段她也不心急觅第二春，一切顺其自然。撰文：杜淑霞摄影：李维隆

龚姐和岱融哥早于88年TVB剧集《嬴单传奇》中合演夫妻，往后经常演一对，连龚姐都数唔清两人合演过几次，「最近除咗呢套仲有《飞虎之潜行极战》、未播嘅《大酱园》，之前喺其地地方嘅剧集都试过，真系合作咗好多次，起码有七、八次啦！」不过今次最特别是龚姐比较强势，「香港嘅剧我比较少做呢类角色，反而台湾剧都有试过这种角色，对香港观众应该几新鲜。」

想搵个旅游伴
讲到现实生活是否一样是强势老婆，龚姐就澄清现实并不强势，「我绝对唔系强势，其实今次角色都系一样，只系个事业型嘅女性，个人比较独立，因为我老公好多时唔喺身边，好多仔女嘅嘢都要帮手安排。」提到前夫林炜，龚姐亦大方公开离婚原因，「我哋婚后都成日分开，后尾佢爸爸病咗，再到我爸爸身体出问题，阿囡又开始入学，决定返香港定居，但佢啲工作多数喺台湾，我哋长期分开生活，大家聚少离多，感情慢慢转淡，所以仔女早已经接受呢个情况。」龚姐仲坦承会祝福林炜有第二春，但问到她会否觅第二春时，她强调一切顺其自然，「上次话叫岱融帮我搵男朋友系讲笑啫！我真系冇谂，顺其自然啦！我都想搵个伴，但只系陪我去旅行嘅伴啫！男女朋友都得嘅，我仲有好多地方想去见识，依家仔女都大个，我自己仲有好多嘢想做。」龚姐话囝囝林卓毅已到加拿大升学，亦预了囡囡林恺铃将来拍拖，不过自己也不愁寂寞。